Siglir tar il cuntegn

Ulteriur Grischun Cuira: Iniziativa per kinos en citad reussida

A Cuira è reussida l'iniziativa per mantegnair ils kinos da la citad. La citad ha communitgà che l'iniziativa saja vegnida inoltrada a dretg temp cun 1006 suttascripziuns e da quellas èn 805 valaivlas.

Ina sala da kino.
Legenda: Ina sala da kino. SRF

Necessarias fissan stadas 800 suttascripziuns, scriva la citad da Cuira. L'iniziativa cul num «Per ina citad veglia viva – iniziativa per mantegnair ils kinos da la citad da Cuira» vul bloccar il project d'in kino grond en il vest da Cuira.

Sco proxim ha il Cussegl da la citad d'elavurar in messadi per mauns dal Cussegl communal. Il Cussegl da la citad vegn surtut ad avair da decider, schebain l'iniziativa è valaivla u betg.

RR novitads 10:00