Siglir tar il cuntegn

Header

cuntegn

Cuira Nagina spierta da chavaltgar pli

La citad da Cuira desista da sa fatschentar vinavant cun ina nova halla da chavaltgar.

La tschertga d'in investider saja stada vana, scriva la citad. Enfin ils 24 da favrer 2020 (ultim termin) na sajan vegnids inoltrads nagins projects per la concurrenza d'investiders.

La halla da chavaltgar actuala sin l'Obere Au sto far plaz il 2023 a novs indrizs da sport. Suenter che tractativas cun la societad possessura da la halla avevan fatg naufragi era la citad sa decidida da tschertgar ina nova schliaziun. Il cussegl da la citad è da l'opiniun ch'i duess dar a Cuira purschidas da chavaltgar ed ha perquai lantschà ina concurrenza d'investiders. Quella ha però gì nagin eco.

Perquai na vegnia il cussegl da la citad a far nagins pass pli per porscher era en l'avegnir ina spierta da chavaltgar a Cuira, uschia statti en la communicaziun.

Per tadlar curt e concis:

audio
Cuira desista sin tschertgar investiders
ord Actualitad dals 27.03.2020. Maletg: RTR
laschar ir. Durada: 1 minuta 10 Secundas.

RTR novitads 11:00

Artitgels legids il pli savens