Suenter ina fasa da test durant in onn en il quartier Brandis pon ins uss pajar tuts parcadis publics cun il telefonin. Latiers dovran utilisaders l'app Parkingpay. En quella app pon ins lura eleger via tge sistem ch'ins vul pajar:
- Twint
- Easypark
- debitaziun directa (LSV)
- pajament anticipà
- cedel da pajament
- carta da credit
Legenda:
In'ura da parcar a la Spundisstrasse.
MAD, Citad Cuira
Cun la medema applicaziun èsi er pussibel da pajar il parcadi en 250 autras vischnancas en Svizra. L'avantatg è ch'ins paja be il temp ch'ins ha effectivamain parcà. Il dischavantatg è ch'ins sto sa registrar. Er en avegnir pon automobilistas ed automobilists pajar las uras da parcar cun munaida.
RR novitads 16:00