Siglir tar il cuntegn

Header

cuntegn

Ulteriur Grischun Cuira po meglierar ils rempars en la Plessur

La regenza grischuna ha approvà il project da la citad da Cuira per sanar ils rempars da la Plessur. Las mesiras n’èn betg tuttas tuttina urgentas, perquai vegnan ellas realisadas en trais etappas.

Il project actual cumpiglia l’emprima etappa, sco la chanzlia chantunala scriva. Lavurs èn previsas sut la Ringstrasse, sur il Kettbrüggli e sut la punt da Sassal. En quests trais lieus dovri reparaturas vi d’ina traversa da cement. Las novas rampas han lura l’avantatg che peschs pon nudar si dal flum.

In terz surpiglia la Confederaziun

La Confederaziun ed il chantun sa participeschan vi dals custs da metter en urden quests rempars da la Plessur. Dals custs totals da 1,45 milliuns francs surpiglia Berna maximalmain 507’500 francs. La contribuziun chantunala munta a maximal 290’000 francs. Quella sa basa sin la lescha davart la correcziun dals curs d’aua. In’ulteriura summa da 65’250 francs prevesa il chantun da contribuir ord meds da la construcziun da vias.

RR novitads 10:00

Artitgels legids il pli savens