La Polizia chantunala ha pudì sclerir plirs enguladitschs ch'èn capitads ils ultims mais a Cuira. Dus delinquents probabels han per part concedì ils delicts, communitgescha la polizia. Tranter il november ed il schaner èsi vegnì rut en en differents bajetgs per il pli tar manaschis da gastronomia. Latiers èsi vegnì engulà mangiativas, alcohol e daners e fatg donns da plirs 10'000 francs.
In um da 26 onns duai avair commess 15 delicts. La summa dals delict munta a radund 10'000 francs ed il donn da material a circa 25'000 francs. L'auter delinquent da 23 onns haja fatg 20 delicts. La summa dal delict e quella da donn muntan a mintgamai 6'000 francs. Cun excepziun dad in cas hajan omadus agì a moda autonoma.
RTR novitads 11:00