Sco gia il 2015 ed era il 2016, vegn la citad da Cuira fitg tgunsch era a far in gudogn da milliuns il 2017. Ma tuttina datti era fatgs che fan quitads al president da la citad Urs Marti. Per l'ina creschan ils custs socials, tranter auter saja quai pervi da la situaziun da fugitivs. Per l’autra savessan ins perder en il futur var 4-6 milliuns pervi da la refurma da la lescha da taglia per interpresas III.
Investir mintg'onn passa 20 milliuns
In auter problem è, ch’ins ha investì fitg pauc ils davos onns e decennis en l’infrastructura. Perquai è il basegn da prender suenter per part gronds, surtut tar las scolas ed ils stabiliments da sport. Mintg'onn vulan ins investir 20 enfin 30 milliuns en l’infrastructura. Per pudair far quai senza far novs debits, stoppian ins dentant mirar da pudair far mintg'onn gudogns en il quint da la citad.
RR actualitad 17:00