Siglir tar il cuntegn

Ulteriur Grischun Cuira: Sculptura «Orbiter» embellescha plazza da la posta

La Banca chantunala Grischuna BCG ha surdà la sculptura «Orbiter» ch'ella ha cumprà questa primavaira, da Robert Indermauer sco emprest a la citad da Cuira.

La sculptura «Orbiter» embellescha en l'avegnir il maletg da la plazza da la posta a Cuira. La statua da l'artist Robert Indermauer è vegnida surdada a la publicitad. Sco Alois Vinzens CEO da la BCG ha declerà, è l'intenziun da quest emprest or da collecziun da la banca da render accessibla l'ovra d'in artist impurtant da Cuira ad in public pli vast.

Il fatg che mia figura stat sin la plazza da la posta a Cuira, in lieu impurtant che regorda mai a mia giuventetgna, ha per mai ina valur speziala.
Autur: Robert Indermauerartist

L’ovra «Orbiter» intermediescha in tschert messadi: guardar il mund e turna cun experientschas per pudair cumparegliar. Per survegnir la tschertezza che quest lieu è in bun lieu.