Siglir tar il cuntegn

Ulteriur Grischun Cuira: Separar las elecziuns

En l'avegnir duain las elecziuns da la suprastanza e dal parlament da Cuira succeder separadamain. Quai pretenda la partida liberaldemocratica da Cuira - e vul midar la lescha actuala.

maun che metta il cedel da votar en l'urna
Legenda: En la chapitala grischuna han las autoritads massa lavur la dumengia ils 5 da zercladur. RTR

Elecziuns separadas gidian il suveran da tegnair la survista ed augmentian uschia la partizipaziun a las elecziuns, uschia vegn argumentà. Enfin l'onn 2007 vegneva la suprastanza ed il parlament elegì separà a Cuira.

Dumengia proxima, ils 5 da zercladur, spetga ils votants e las votantas da Cuira in veritabel maraton d'eleger e votar: Sper las 5 votaziuns federalas elegia Cuira 3 suprastants, 21 commembers dal parlament e decida davart 3 votaziuns communalas.

RR novitads 18:00