Siglir tar il cuntegn

Header

cuntegn

Cuira Stab da corona sa retira pass per pass

Il stab da Corona da la citad da Cuira sa retira pass per pass. Uschia veglian ins tegnair quint dal svilup positiv, communitgescha la chapitala grischuna. Il dumber dals cas sa reduceschia cuntinuadamain. La populaziun sa tegnia vi da las mesiras da protecziun, malgrà las bleras schluccadas ch'i haja dà ils ultims dis.

biro dal stab da corona Cuira
Legenda: Il decurs dals proxims dis ed emnas turnan collavuraturas e collavuraturs dal stab da corona puspè a lur mintgadi usità. MAD, Stab da corona Cuira

En acziun dapi ils 23 da favrer

Bunamain trais mais è il stab da corona da Cuira stà en acziun per realisar las mesiras chantunalas e federalas. Plinavant ha il stab infurmà e protegì la populaziun da Cuira. Per il cas ch’il dumber da cas creschiss puspè, saja il stab da corona Cuira pront da puspè cumenzar cun la lavur, ins haja fatg las preparativas necessarias.

RTR novitads 17:00