Siglir tar il cuntegn
cuntegn

Ulteriur Grischun Cuira vul investir ina mesa milliarda francs

La citad da Cuira ha preschentà ses rapport d'investiziun per ils proxims onns. La chapitala grischuna quinta cun ina mesa milliarda francs per projects da generaziuns. La citad quinta cun investiziuns annualas en media da 35 fin 40 milliuns francs.

Vista sin il vest da la citad da Cuira, a dretg dus turs d'abitar
Legenda: A Cuira vest duai per exempel dar ina staziun da tren. Keystone

Betg per nagut vegn scrit en il rapport che Cuira stettia avant fitg grondas sfidas finanzialas. I satractia d'investiziuns en uschenumnads projects da generaziuns (guarda tabella da vart sut). Per pajar tut quai stoppia la citad far daivets. Quai na saja dentant da responsar en la situaziun finanziala actuala ed er senza auzar la taglia, manegia il cussegl da la citad.

Investiziuns da la citad da Cuira

tenor plan d'investiziun
Project
Investiziuns en francs
Interval (onns)
Implants da sport ed event, Obere Au
120 - 150 milliuns
2019 - 2017
Pendiculara directa da Cuira - Brambrüesch
25 - 35 milliuns
2022 - 2024
Transfer armada svizra da la caserna al Rossboden
45 - 60 milliuns
2025 - 2026
Svilup e surbajegiar areal Stadtbaumgarten (remplazzar halla)
10 - 20 milliuns
2026 - 2030
Chasa da scola nova Ringstrasse
70 - 80 milliuns
2021 - 2024
Investiziuns en spazis da cultura (p.ex. Teater da la citad)
30 - 40 milliuns
2026 - 2029
Chasa da scola nova Masans
10 - 12 milliuns
2025 - 2028
Svilup Cuira vest (incl. nova staziun da tren)
10 - 20 milliuns
2021 - 2025
Concept da traffic cumplessiv 2030, Cuira nord
40 - 50 milliuns
2026 - 2031

Il parlament tracta il rapport d'investiziun ils 13 da december.

RR novitads 06:00