Siglir tar il cuntegn

Ulteriur Grischun Cuira vul sanar vinavant la via da la staziun

Davent da la staziun fin a l'Alexanderplatz è la via gia sanada – ina zona da peduns cun bancs, plantas e plattas da crap natiral. Quai vul la citad da Cuira uss era far en la Via da la Staziun sura, davent da l'Alexanderplatz fin al Plaz da la Posta.

via da la staziun da Cuira, plattas da crap sin via
Legenda: Visualisaziun da la via da la staziun cun plattas da crap. mad

Sin quest tschancun duai dar ina cuvrida cun plattas natiralas d’Andeer, plantas ed en trais lieus spazi per la gastronomia.Gist sco quai ch'i dat gia sin il tschancun da la staziun fin l'Alexanderplatz.

«Nova» Plazza da la posta

Era sin la Plazza da la Posta vegni tenor il plan da la citad a dar grondas midadas. Las duas rundellas duain svanir. Uschia dess quai suenter sulet anc ina strivla melna enstagl da duas.

L'entir project custa 2.35 milliuns francs. Il cussegl communal decida gievgia, ils 11 da zercladur, davart il project. Il suprastant Tom Leibundgut ha manegià, che las schanzas per in «gea» sajan fitg grondas.

plan da vias per la plazza da posta a Cuira
Legenda: Plans per la nova plazza da posta a Cuira. mad