-
Bild 1 von 5. Ils uffants han guardà fitg interessads co i vegn tratg giu la pel ad in tschierv be cun ina nizza da crap. Bildquelle: RTR, Sabrina Bundi .
-
Bild 2 von 5. Nizzas da crap enstagl dal cuntè da satg: Cun da questas stgaglias han ins tratg giu la pel als animals durant il temp da crap. Bildquelle: RTR, Sabrina Bundi.
-
Bild 3 von 5. L'envidader dal temp da crap. Ils uffants guardan interessads co quai funcziunava da far fieu. Bildquelle: RTR, Sabrina Bundi.
-
Bild 4 von 5. En la fundaziun da fotografias dal Grischun han ils visitaders pudì guardar numerusas fotografias da panorama. Bildquelle: RTR, Sabrina Bundi.
-
Bild 5 von 5. Panorama ina giada auter: Sin trais visurs ha la fundaziun da fotografias mussà veglias fotos dal Grischun. Bildquelle: RTR, Sabrina Bundi.
Dudesch uras cultura a Cuira e quai per la 10avla giada - la sonda lunga ha festivà giubileum. 21 chasas èn stadas da la partida ed han preschentà differentas facettas da la cultura sur chant, istorgia, art ubain natira en tact da mes'ura.
Stagliar tschiervs sco en il temp da crap
Tgi che va cun il focus «ier e damaun» a la sonda lunga ha survegnì impressiuns fitg differentas. Insatge dal pli «vegl» ch'è stà da guardar a la sonda lunga è stà l'exposiziun da la preistorgia. Là han ils uffants tranter auter pudì guardar co ins tira giu la pel ad in tschierv be cun instruments da crap. Ed ina chatschadura ha schizunt pudì testar la nizza: «Quella nizza è minimum gist uschè gizza sco ina dal cuntè da satg», è ses fazit.
La tecnica da damaun na va oz anc betg
La fundaziun da fotografias grischuna vuleva plitost dar in sguard en il futur. Ella ha mess a disposiziun dus egliers da virtual reality e cumbinà quai cun fotografias veglias. Uschia han ils visitaders pudì ir, cun agid da la realitad virtuala, sin la tur da la baselgia S. Martin e guardar giu sin la citad da Cuira d'avant 150 onns.
RR actualitad 07:00