Cunter en il Partenz fa deficit d’in quart milliun francs

A Cunter en il Partenz ha la radunanza communala approvà il quint 2015. Quel serra cun in deficit da 251'976.48 francs tar expensas totalas da 2,133 milliuns francs. Il deficit da la vischnanca è uschia per radund 50'000 francs pli aut che budgetà.

La vopna da Cunter en il Partenz. Avrir maletg en lightbox.

Legenda da maletgs: La vopna da Cunter en il Partenz. RTR

Dasper l’approvaziun dal quint annual ha la radunanza plinavant concedì divers credits: 264'400 francs per schlargiar il provediment da l'aua, 190'000 francs per renatiralisar ina bloccada e chanalisar il Schwarzbachtobel e 62'000 francs per francar ina spunda dal parcadi sper la chasa da scola.

Per il project dal Schwarzbachtobel quinta la vischnanca cun ina participaziun da Confederaziun e chantun da radund 55 pertschient.

Ultra da quai èn vegnidas approvadas midadas da statuts dals pumpiers dal Partenz Central e dal consorzi da scola dal stgalim superiur dal Partenz Central.

RR novitads 12:00