Siglir tar il cuntegn
cuntegn

Ulteriur Grischun Currids 6'918,8 km

«SRF bewegt» è in'acziun dal radio svizzer per far muventar la populaziun svizra. Els han era fatg in stop a Cuira e tut tgi che ha vulì e pudì è stà sin il prà da Quader (Quaderwiese) ed è currì rundas e rundas. Il redactur Ursin Lechmann è era stà da la partida.

pliras persunas, creschids ed uffants, sa participeschan ad ina cursa
Legenda: Pign e grond, plaun e spert....mintgin ha pudì contribuir ses "meters" per il resultat final. RTR, U. Lechmann

El n'è betg mo currì, el ha era rimnà impressiuns ed entupà intginas persunas prominentas. Tranter auter il star da hockey da Cuira, Nino Niederreiter. En total ha Cuira ramassà 6'918,8 km.
L'acziun da SRF è era in duell tranter las citads svizras. Là maina il mument Son Gagl. Per surpassar Son Gagl avess Cuira stuì rimnar 250 km dapli.