Ils organisaturs da las cursas da chavals internaziunalas da Maiavilla èn cuntents cun la 63avla ediziun. Las cundiziuns sin il cirquit da cursa sajan stadas sensaziunalas, quai era grazia la perfetg'aura d'atun. Quai ha ditg il president dal comité d’organisaziun, Ruedi Niederer.
Passa 9'000 visitaders
La segunda dumengia da las cursas da chavals ha gì lieu sut fitg bunas cundiziuns: passa 9'000 visitadras e visitaders han visità la cursa e fatg scumessas per passa 100'000 francs. Quai è il segund meglier resultat da quest onn per ils cirquits da cursa en Svizra.
Cursa da chavagls en cifras
Gidantras e gidanters | 310 |
Summa da las premias | 107'000 francs |
Dumber da chavals | 80 |
Dumber da visitaders | 9'000 |
Svieuta da scumessa | 111'227 francs |
Ord l'archiv
Il 2017 han ils organisaturs stuì dir giu las duas fin d'emnas da las cursas da chavals a Maiavilla. Il futur da las cursas era intschert.
RR novitads 07:00