Entras la decisiun po uschia cumenzar la planisaziun per ennavar la pista da Pradaschier fin giu la val, e la pista da Parpan/Proschieri a Curvalda. L’intschess d’ennavar planisà cumpiglia ina surfatscha da radund 12,5 hectaras. Pervi dals projects concrets ston vegnir fatgas duas correcturas da pistas (Stettli e Steinen).
Sanar la lingia d'aua tras il vitg
Plinavant han ils da Curvalda approvà senza cuntravusch in credit da 3,5 milliuns francs per sanar la lingia d'aua principala tras il vitg. La lingia d’aua tranter Büdemi e Chloster ha gia 70 onns. Ella sto vegnir sanada, er perquai ch’i ha dà il davos temp divers incaps cun donns.
RR novitads 14:00