Siglir tar il cuntegn

Header

Purtret d'in kino, da vesair èn las sutgas cotschnas e davant la paraid alva.
Legenda: Keystone
cuntegn

Da 7 resta 1 Cumbat cunter kino grond a Cuira cuntinuescha

Oriund eran els set possessurs da chasas da la «Raschärenstrasse» a Cuira West che han sa dustà cunter il kino grond che duai vegnir construì. Uss resta anc ina dunna che viva en la Bassa che cumbatta il project.

Tschintg dals ultims sis adversaris han dà si il cumbat, scriva la gasetta Südostschweiz. La dunna che sa dosta anc adina cunter il kino viva en il chantun Sviz. Ella è la figlia dad ina dunna pli veglia che viva en la Raschärenstrasse a Cuira.

Suenter ch'il Tribunal federal aveva dà raschun als adversaris e pretendì in examen da cumpatibilitad ecologica per il kino grond, ha il patrun, la Societad da construcziun City West, inoltrà il november ina nova dumonda da bajegiar.

Ina cronologia

Textbox aufklappenTextbox zuklappen
  • December 2016: dumonda da construcziun tar la citad da Cuira
  • Schaner 2017: trais recurs cunter il project vegnan inoltrads
  • Zercladur 2017: il cussegl da la citad dat la lubientscha da bajegiar
  • Fanadur 2017: Set abitantas ed abitants inoltreschan recurs tar la Dretgira administrativa dal chantun Grischun
  • Fanadur 2017: Start da l'iniziativa «Per ina citad veglia viva a Cuira – iniziativa per mantegnair ils kinos da la citad Cuira» da Markus Kalberer
  • Matg 2018: La Dretgira administrativa refusa il recurs dals abitants e las abitantas
  • Zercladur 2018: Ils abitants e las abitantas tiran il cas davant il Tribunal federal
  • Fanadur 2018: l'iniziativa da Markus Kalberer vegn declerada valaivla
  • Fanadur 2019: Il Tribunal federal ha approvà il recurs dals abitants e las abitantas
  • November 2019: Nova dumonda da bajegiar
  • Favrer 2020: Votaziun davart l'iniziativa

Nagina surpraisa

Romano Cahannes, il represchentant da la societad da construcziun City West, ha, sco el di a la Südostschweiz, quintà cun in nov recurs. I vegn supponì ch'ils gestiunaris e possessurs da la Kino Chur SA stettian davos ils recurs cunter il kino grond.

Igl è da temair – sche la Kino Chur SA stat davostiers – ch'ins vul impedir la construcziun dal kino grond.
Autur: Romano Cahannesrepreschentant da City West

Cahannes na vul dentant betg sclauder la pussaivladad da tschertgar il discurs cun ils adversaris.

video
Novitads
Or da Telesguard dals 11.12.2019.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga