La polizia da la citad Cuira ha franà sonda bun'ura in lader d'in auto. Quel aveva engulà l'auto ad in collega da Berna ed era sa mess en viadi direcziun Arosa. Cura che la polizia ha franà l'um, na saja quel betg stà abel d'ir cun auto e l'auto saja stà plain bottas.
La polizia ha pudì franar l'um enturn las 05:30 la bun'ura sin fundament da l'annunzia da Berna, ha ella communitgà. Co las bottas èn vegnidas fatgas en l'auto, sto anc vegnir investigà. L'um che ha engulà l'auto ha stuì dar giu ina prova da sang e d'urin e sto dar giu ses permiss d'ir cun auto.
RR novitads 14:00