Siglir tar il cuntegn

Header

cuntegn

Ulteriur Grischun Da tuttas colurs è sanadaivel: Igl è puspè temp da zitgas

Ursula Zindel cultivescha ensemen cun ses um zitgas. Ord questas na fa ella betg sulettamain decoraziuns, mabain cuschina era spezialitads.

Entschet a cultivar zitgas an els per experimentar sche quellas creschian insumma tar els. Quai fan els uss sin duas hectaras, ina surfatscha da bunamain 3 plazzas da ballape.

3 plazzas da ballape plain zitgas prontas in october

Circa 100 differentas sorts creschan sin lur bain puril. Da quai en bun 70% zitgas da spaisa e 30% zitgas d' ornament. La stagiun da zitgas entschaiva l'avust e cuntanscha il punct culminant l' october. Lura ha la famiglia Zindel racoltà tut las zitgas.

Quest onn è la racolta plitost stada pitschna. Quai pervia da la sitgira da questa stad. Zitgas dovran numnadamain bler sulegl, in bun terren e blera aua per crescher:

audio
Tge dovri per ina buna racolta da zitgas?
ord Total local dals 31.10.2018. Maletg: Keystone
laschar ir. Durada: 2 minutas 29 Secundas.
audio
In recept d'atun: confitura da zitgas
ord Famus e glorius dals 31.10.2018.
laschar ir. Durada: 1 minuta 43 Secundas.

Recepts cun zitgas

Confitura da zitgas e maila

Avrir la box Serrar la box

Ingredienzas

  • 1 kilogram zutger
  • 1 deciliter aua
  • 700 grams charn da la zitga tagliada en quadrins
  • 300 grams maila tagliada en quadrins
  • suc dad ina mesa citrona
  • 1/2 tschadun da té chanella
  • 1 presa mustgat
  • 1 presa pulvra da groffels

Preparaziun

Luentar il zutger en l’aua. Metter en ils quadrins da zitgas e maila. Laschar buglir 20 minutas. Agiuntar il suc da citrona e las spezarias. Laschar coier enfin che ils quadrins sa decumponan. (Tenor basegn purar.) Emplenir en magiels da sterilisar ed immediat serrar.

Schuppa da zitgas

Avrir la box Serrar la box

Indegrienzas

  • 1 kilogram zitga
  • 1 tschagula
  • 1 agl
  • 1 quadrin buglion
  • sal, paiver e pulvra da curry
  • 2 deciliters groma entira

Preparaziun

Tagliar la zitga, la tschagula e l'agl. Laschar coier tut cun pauca aua e purar cun in mixer a batgetta. Cundir il puré cun buglion, sal, paiver e curry. Agiuntar la groma entira e stgaudar anc ina giada.

Zitgas fatgas en asch e dultsch

Avrir la box Serrar la box

Ingredienzas

  • 1,5 kilogram zitga
  • 1 ragisch da schentsch
  • 4 deciliters aschieu da vin alv
  • 300 grams zutger
  • 1 presa paiver da Cayenne
  • 2 neglas

Preparaziun

Tagliar la charn da zitgas en quadrins da 1x1 centimeter. Tagliar il schentsch en furma da rudella ed agiuntar tar ils quadrins da zitgas. Agiuntar aschieu, zutger, pulvra da Cayenne e neglas. Laschar pussar sur notg en frestgera. Metter tut en ina padella e laschar buglir circa 8 minutas. Emplenir immediat en in vaider da conservar e laschar sfradentar. Tegnair en salv en in lieu stgir e frestg.

RR actualitad 11:45

Artitgels legids il pli savens