Siglir tar il cuntegn

Header

Tschintg uffants sesan vi dad in laptop per scriver in gieu auditiv. La manadra dal curs, Anna Fierz, è davostier e sustegn ils uffants.
Legenda: Ils uffants èn sa concentrads vi da lur gieu auditiv, Anna Fierz, la manadra dal curs, sustegn els. RTR/ Angela Hendry
cuntegn

Dal cudesch al gieu auditiv Nagin memia pitschen per far radio

Uffants e giuvnas laschan resunar cudeschs da la biblioteca da la citad da Cuira. Quai en il rom d’in curs che la scola da radio klipp+klang da Turitg ha organisà. Els ed ellas dastgan eleger in cudesch, dals passa 21’000 cudeschs d’uffants, per far in gieu auditiv ordlonder.

Nov uffants tranter 7 e 14 onns èn partids en duas gruppas e scrivan mintgamai in’istorgia cun dialogs. L’emprim di han els dastgà fufragnar en la biblioteca, per alura decider a moda democratica, tge dus cudeschs che vegnan duvrads sco basa per lur gieus auditivs.

Istorgias d’aventuras

Omaduas istorgias tractan d’uffants che ston la fin finala schliar in misteri, sco detectivs e detectivas. Il bel saja da crear ord in cudesch lungurus ina dretga istorgia d’aventuras, uschia in dals participants.

Lavurar en gruppa è ina sfida

Natiralmain dettia quai en mintga gruppa uffants schenads e da quels vivs, cun massa ideas. Dentant la fin finala dettia quai tuttina in equiliber, uschia Anna Fierz da klipp+klang, che maina il curs.

Dentant cura che nus registrain, cura che mintgin ha sia figura e sia rolla, lura prospereschan quels e quellas ch’ins aveva il sentiment ch’els giaschian suten.
Autur: Anna Fierzcollavuratura project da klipp+klang

En emprima lingia duess il curs far plaschair als uffants, dentant vegnia era rinforzà intginas cumpetenzas socialas, uschè Fierz.

Scriver atgnas istorgias è cool

Impunder trais dis à 6 uras, e quai en il temp da vacanzas, quai fa senn, uschè ils participants e las participantas. Inventar istorgias e far insatge extraordinari en las vacanzas, quai saja mega.

Ils gieus auditivs vegnan emess

Ina giada che las istorgias èn scrittas, èsi da registrar ellas. La finamira è d’avair dus gieus auditivs da circa 10 minutas che vegnan lura emess al radio Kanal K en l’Argovia.

RTR actualitad 11:00

Artitgels legids il pli savens

Scrollar a sanestra Scrollar a dretga