Siglir tar il cuntegn

Ulteriur Grischun Dapli spazi per ils peduns a Cuira

Enfin ch’il Museum d’art grischun vegn avert il zercladur 2016, duai era il conturn esser pront. La Via da la Staziun sura, ch’è libra dal traffic dapi il december 2015, vegn renovada sche tut va tenor plan.

Visa sin la Via da la Staziun sut.
Legenda: La Via da la Staziun sura duai era vegnir cuvrida cun crap natiral d’Andeer. Medem sco la Via da Staziun sut (qua sin la foto). Foto: Chur Tourismus

Previs è la medema cuvrida sco tar la Via da la Staziun sut, pia ina cuvrida cun crap natiral d’Andeer. Davent da questa via duai lura esser pussibel dad ir a pe enfin il Plaz dal Teater, quai tras il parc da la Viafier retica. Quest parc è gia ussa public. Cun quai che mo las pitschnas portas da la vart èn avertas e la gronda porta è serrada, para quai dentant betg cler. La citad da Cuira è en discurs cun la Viafier retica per midar quai.

Era sin il plaz da la posta duai dar midadas. Las rundellas vegnan tenor il plan dal suprastant Tom Leibundgut a svanir. I duai lura dapli spazi per ils peduns e lura duvrassi mo pli in’ampla per ils peduns per traversar la via.$