La citad da Cuira sposta las elecziuns ch'eran previsas ils 17 da matg. Quai pervia da la situaziun actuala dal coronavirus.
Ier ha il Cussegl federal decis da desister da las votaziuns ch'eran previsas il medem di. Sco raschuns aveva il Cussegl federal numnà tranter auter ch'igl è pervi da la situaziun actuala grev da pussibilitar in process nua che mintgin po far ses agen maini. Saja quai entras il cumbat da votaziun u er las medias ch'èn limitadas en lur rapportaziun.
Ord las medemas raschuns ha era la citad da Cuira prendì la decisiun da spustar las elecziuns. I na saja insumma betg cler sch'i fiss pussaivel d'organisar las elecziuns e da l'autra vart na fiss in cumbat electoral betg imaginabel.
Sco proxim termin ha la citad da Cuira en egl ils 27 da settember, il termin na saja dentant anc betg definitivs.