Siglir tar il cuntegn

Header

Raimund Klesse en il curs da demenza.
Legenda: Raimund Klesse lavura gia dapi 20 onns ensemen cun persunas dementas. RTR, Selina Chistell
cuntegn

Demenza Bajegiar punts tar persunas cun demenza

Demenza pertutga adina dapli persunas. En Svizra èn circa 144'000 carstgauns pertutgads da la malsogna maligna che attatga il tscharvè. Betg mo per ils pertutgads è quai ina sfida, mabain er per tut quels che accumpognan persunas dementas en ina furma u l'autra. In curs a Cuira duai dar sustegn.

Furmas da demenza dettia differentas di Raimund Klesse, ch'è psichiater e president da l'Associaziun Alzheimer Grischun. Mo tar tut las furmas valia quai da bajegiar punts tranter las persunas dementas e lur concarstgauns. En il curs han Raimund Klesse e ses collegas empruvà da dar cussegls e tips co dumagnar quai en il mintgadi. Impurtant per las persunas ch'han da far cun carstgauns dements saja da mantegnair ruaus, d'avair pazienza ed er da prender ina u tschella situaziun cun umor.

Lavur voluntara

Il curs ch'ha cuzzà in'emna sa drizza a persunas ch'han da far en ina moda u l'autra cun persunas dementas, sajan quai confamigliars, amis u er persunas che fan lavur voluntara. Lavur voluntara tar in'organisaziun fa er Astrid Schneller. La dunna pensiunada accumpogna persunas attempadas. Regularmain s'entaupa ella cun senioras e seniors, tranter quels er persunas dementas. Ord quai motiv è ella er sa participada al curs.

RR actualitad 17:00