Siglir tar il cuntegn

Header

cuntegn

Demissiun anticipada Il president communal da Conters è sa retratg

Il president communal da Conters en il Partenz ha inoltrà anticipadamain sia demissiun per la fin d'avrigl da quest onn. Quai scriva la vischnanca en ses messadi per la radunanza communala dals 21 da matg.

Davart il motiv per sia demissiun, ha Christian Clavadetscher declerà a las gasettas da la Somedia, ch'igl haja dà differenzas d'opiniun en suprastanza e mobbing. Perquai ch'i na dettia nagina fidanza pli, saja el sa decidì da sa retrair a favur da la vischnanca.

Clavadetscher è vegnì elegì il 2019, sia perioda d'uffizi regulara fiss anc ida fin il 2022. Ad interim surpiglia il vicepresident Johann Auer il presidi.

audio
Per tadlar: Las novitads da las 06:00
ord RTR Audio dals 04.05.2021.
laschar ir. Durada: 5 minutas 23 Secundas.

RTR novitads 06:00

Artitgels legids il pli savens