Suenter in referat da l'uvestg al Forum dals catolics tudestgs aveva tranter auter l'uniun dals omosexuals Pink Cross inoltrà ina denunzia penala cunter Vitus Huonder. El duai avair fatg in appel al chasti da mort per carstgauns omosexuals.
La Procura publica grischuna communitgescha uss, che las decleraziuns da Vitus Huonder n'adempleschian betg il fatg giuridic. Perquai saja l'inquisiziun sistida.
La reacziun da l'uvestgieu
L'uvestgieu da Cuira ha annunzià sin sia pagina d'internet la resalva da revegnir al cas, il pli baud suenter 10 dis suenter che la sentenzia survegn vigur legala.
RR Novitads 11:00
