Quest onn maina la scola da la citad da Cuira ils uffants ed ils giuvenils puspè sin ils culms da Cuira. La Maiensässfahrt è in ritual che tutga tar Cuira ed è impurtant per scolaras e scolars dentant era per la populaziun. Il davos onn han ins pervi da corona stuì desister da questa tradiziun. Sut il motto «Ab ufs Maiasäss» vegn l'occurenza puspè organisada quest onn.
Betg be in di
La scola da Cuira maina tras las turas tranter ils 17 da matg fin ils 10 da zercladur 2021. Uschia ch'ins possia evitar grondas fullas da glieud. Ed empè dal grond pled ch'avess normalmain lieu a la fin dal di, pon las classas lura guardar ils 10 da zercladur in messadi da video. Quel duai lura suenter era vegnir sin Youtube, per che l'entira populaziun possia far part.
Tradiziun dapi 1854
Dapi l'onn 1854 van ils uffants da las scolas da Cuira en cumpagnia cun scolastas e scolsats a culm, l'uschenumnada Maiensässfahrt. La saira vegn il return dals uffants terminà cun in til dal Martinsplatz a la Quaderwiese. Il 2020 han ins stuì renunziar sin la Maiensässfahrt pervia da la pandemia da corona.
