Siglir tar il cuntegn

Header

audio
Teater Klibühni: «Die Niere» emprovas cun perspectivas
Or da Actualitad dals 26.04.2021.
laschar ir. Durada: 03:43 minutas.
cuntegn

«Die Niere» en la Klibühni Emprima emprova da teater cun perspectivas

Acturas, acturs, chantaduras, chantaduras ed autras persunas che lavuran en il sectur da cultura, han ditg: Finalmain puspè pudair far producziun e concert. Malgrà las mesiras da restricziun èn René Schnoz e ses team leds da pudair far emprovas da teater cun perspectivas dad era pudair manar si il toc.

Igl è in super sentiment da finalmain avair ina perspectiva.
Autur: René Schnozreschissur ed actur dil toc «die Niere»
La tribuna dal toc "die Niere" è anc in zichel improvisada.
Legenda: La tribuna è anc in zichel improvisada e provisorica. RTR

Bunamain quatter mais emprovas senza persepctivas

René Schnoz che fa reschia e gioga er en ses agen toc, «die Niere», duas acturas ed in auter actur èn dapi il schaner vid exercitar la cumedia, ch'è vegnida scritta da l'Austriac Stefan Vögel. E quai saja stà in curius sentiment, dad exercitar per in toc ch’ins na sa betg sch’ins sa era manar si el.

Ins sa dumonda: Renda insumma da far emprovas, renda d’emprender ordadora il text? Ed uss savain nus: I renda probabel e nus avain ina finamira, fin il zercladur stuain nus esser pronts.
Autur: René Schnozreschissur ed actur dil toc «die Niere»

Premiera svizra il zercladur

Il zercladur è la premiera dal toc «die Niere» en la Klibühni a Cuira. Vitiers èsi dentant er ina premiera svizra, perquai che nagina gruppa da teater ha fin uss inscenà quai toc en Svizra.

Quai è super, perquai che nagin ha vis il toc fin uss. Quai è schon in zichel in'onur che nus avain survegnì la lubientscha da far quai toc.
Autur: René Schnozreschissur ed actur dil toc «die Niere»
Duas acturas e dus acturs sin tribuna vid exercitar.
Legenda: L'emprova en la curt da la Klibühni a Cuira. RTR

RTR actualitad 07:00

Artitgels legids il pli savens

Scrollar a sanestra Scrollar a dretga