Ulteriur Grischun - Directur Thomas Hunziker banduna las pendicularas da Lai
Suenter 5 onns sco directur da las pendicularas Lai banduna Thomas Hunziker l'interpresa questa stad. El surpiglia ina nova incumbensa tar Garaventa, la firma che construescha pendicularas.
Sco quai che Hunziker ha ditg vers il Bündner Tagblatt, cumenzia ussa ina fasa da consolidaziun, suenter ch'els hajan lavurà intensivamain vid la colliaziun dals dus territoris da skis Lai ed Arosa. Quai saja in bun mument per far la midada.
Tenor il president dal cussegl d'administraziun, Christoph Suenderhauf, vegn la successiun da Hunziker reglada fitg probabel internamain.
