Siglir tar il cuntegn

Header

Navigaziun

Helicopters da la REGA al lieu da disgrazia.
Legenda: Il schaner avant 4 onns era ina gruppa da nov skiunzs da turas vegnida en ina lavina al Piz Vilan. Keystone
cuntegn

Ulteriur Grischun Disgrazia da lavina al Vilan: Guid n'è betg culpabel

Cunter il guid da tura ch'è involvì en la pli greva disgrazia da lavinas l'enviern 2014/15 en il Partenz cun 5 morts, na datti nagin plant. La procura publica grischuna sistescha per la segunda giada la procedura penala e questa giada definitiv.

I na dettia nagins indizis per in cumportament chastiabel dal guid u d'autras persunas, ha la procura publica confermà sin dumonda da l’agentura da novitads Keystone-SDA. En il focus da la procedura era il manader da turas d’ina secziun dal Club alpin svizzer da l'Argovia.

Cas aveva stuì vegnir intercurì da nov

In’emprima procedura encunter el aveva la procura publica sistì la stad passada. Suenter che la dretgira chantunala aveva dà suatientscha a dus recurs, aveva la procura publica anc ina giada stuì intercurir il cas.

La fin da schaner 2015 era ina gruppa da nov skiunzs da turas da l’Argovia vegnida en ina lavina al Piz Vilan. Trais umens eran morts immediat, duas dunnas pli tard en l’ospital.

RR novitads 12:00