Siglir tar il cuntegn

Header

Citad Cuira
Legenda: Keystone
cuntegn

Disturbi dal current Cuira e l'entir Scanvetg èn stads senza electricitad

A Cuira ed en il Scanvetg hai dà il suentermezdi ina interrupziun dal current electric. Il disturbi a Cuira ha pertutgà il conturn da la citad veglia. En tut ha l'interrupziun cuzzà radund 20 minutas. Quantas chasadas ch'èn stadas pertutgadas n'han ils manaschis industrials da Cuira IBC anc betg pudì dir sin dumonda da RTR.

La raschun per la panna è stada in transfurmatur surstgaudà pervia da la chalira. Ord quest motiv hajan ins stuì midar enturn il transfurmatur. Il problem duai dentant esser schlià. En vista a la saira e la sbassada da la temperatura na quintan ins betg pli cun ulteriurs incaps.

audio
Per tadlar: Las novitads da las 17.00 uras
05:10 min, RTR Audio dals 17.06.2021.
laschar ir. Durada: 05:10 minutas.

RTR Novitads 17:00

Artitgels legids il pli savens

Scrollar a sanestra Scrollar a dretga