Siglir tar il cuntegn
cuntegn

Ulteriur Grischun Disturbi tecnic era la culpa

In disturbi tecnic ha chaschunà questa notg l'interrupziun d'electricitad da 2 uras a Cuira.

cuira
Legenda: En parts da la citad da Cuira è l'electricitad crudada or questa notg. RTR, R. Mühlemann

Radund trais quarts dals bunamain 39'000 abitants n'han gì nagin current electric da las 0:42 fin las 2:42.

Sin las vias en la chapitala grischuna na gievan naginas chazzolas ed er auters indrizs electrics, sco per exempel raits da telefon internas u portas garaschas n'han betg funcziunà. Per part è era il program da radio crudà ora.

Quartiers Foral, City vest e Rossboden betg stads pertutgads

Sco quai che l'IBC, l'interpresa per energia ed aua a Cuira communitgescha, saja il motiv da la panna in disturbi tecnic en il conduct circular. Betg stads pertutgads da l'interrupziun eran ils quartiers Foral, City vest e Rossboden.

RR novitads 7:00