La veglia scolina Caguils a Domat sto far plaz ad in nov bajetg. L'edifizi dals onns 70 na correspunda betg pli als basegns e standards actuals e la davosa sanaziun è stada ina pitschna, nua ch'igl è mo vegnì dà colur, ha detg il president communal Erich Kohler.
La vischnanca vul investir 6.325 milliuns francs en il nov bajetg. En ils custs èn er cumpigliads ils provisoris ch'i dovra per ils bunamain 90 scolarets. Il parlament communal ha schon dà glisch verda, il suveran decida ils 26 da november. L'onn che vegn duess vegnir cumenzà cun la construcziun. E pronta duess la scolina lu esser la stad 2019.
RR actualitad 06:00