A Domat ha la firma d’inschigners Grünenfelder cumenzà a construir sia nova sedia tranter l’autostrada e la Tuma Padrusa. L’emprima badigliada è stada il glindesdi. Las lavurs da construcziun duajan esser terminadas la stad 2022. Quai ha communitgà la firma da tradiziun. Il nov bajetg duaja porscher plaz per 70 plazzas da lavur, per il mument ha la firma Grünenfelder 45 collavuraturs e collavuraturas.
