Siglir tar il cuntegn

Ulteriur Grischun Domat: Stangas da metal sin ils binaris

La notg sin sonda han nunenconuschents mess stangas da metal da var dus meters sin ils binaris da la Viafier retica.

Las stangas da var dus meters lunghezza che nunenconuschents avevan mess sin ils binaris a Domat.
Legenda: Las stangas da var dus meters lunghezza che nunenconuschents avevan mess sin ils binaris a Domat. MAD / Polizia chantunala

In tren è collidà cun las stangas, in ulteriur ha stuì vegnir franà. Entras la collisiun èn las stangas vegnidas catapultadas davent. Sco la Polizia chantunala ha communitgà n'hai dà nagins blessads. I saja però stà gronda fortuna ch'il tren na saja betg svià e che nagin na saja sa blessà. Il locomotivist haja lura dustà da la vart las stangas.

La polizia tschertga perditgas. Tgi che ha vis insatge po s’annunziar sin il post da polizia da Domat.

RR novitads 10:00