Siglir tar il cuntegn

Ulteriur Grischun Domat survegn ina nova scolina

Cun passa 1'000 vuschs ha il suveran da Domat approvà il credit per la nova scolina.

Purtret da la nova scolina a Domat.
Legenda: MAD

Las localitads Carguils a Domat vegnan spazzadas. Il suveran da Domat ha decidì d'approvar il credit da 6,325 milliuns per il nov bajetg cun 1'167 vuschs encunter 195 vuschs. Il nov bajetg duai vegnir construì tenor standard da minergia. La scolina sto avair plaz per 90 scolarets.

Necessaria è la spazzada vegnida perquai ch'il bajetg è dals onns 70 e na correspunda betg pli als standards actuals. Da la davosa sanaziun han ins be dà colur da nov. Il parlament aveva gia dà glisch verda. Oz è suandada la decisiun dal pievel.

Plinavant ha la vischnanca approvà il budget dal 2018 ed era da sbassa il pe da taglia per 3% sin 87% da la taglia chantunala simpla.

RR novitads 11:00