L'avantmezdi ha la Polizia chantunala survegnì il clom ch'in auto saja collidà cun la paraid dal tunnel tar l'entrada da la gallaria da Salez. La giuvna da 19 onns charrava cun ses auto da Tavau en direcziun Claustra. Avant l'entrada da la gallaria haja l'auto cumenzà a glischnar sin la via cuverta da naiv. Sinaquai haja l'auto sdrimà il mir da naiv da la vart dretga ed è lura collidà cun il portal da la gallaria.
Tar l'accident è la dunna sa blessada be lev ed è lura vegnida transportada cun l'ambulanza en l'ospital da Tavau.
RR novitads 16:00