Siglir tar il cuntegn
cuntegn

Ulteriur Grischun Donns dal brischament a Cuira muntan a 10 milliuns francs

Il donn material dal brischament da l'emna passada a Cuira munta a radund 10 milliuns francs. Ils donns vi dal bajetg devastà muntian a 2,5 fin 3 milliuns francs. Vitiers vegnan ils 7,5 milliuns francs per ils 20 autos da posta brischads en la halla.

La halla d'auto da posta a Cuira è destruida entras il fieu.
Legenda: La halla d'auto da posta a Cuira è destruida entras il fieu. Keystone

Sco l'Assicuranza d'edifizis dal Grischun ha detg, sajan questas cifras dals donns per il mument be stimaziuns. Ils detagls stoppian anc vegnir sclerids e quai dovria temp. Las flommas han cunzunt donnegià la halla d’autos da posta, sco er abitaziuns en il medem cumplex d’edifizis datiers da la staziun da Cuira.

Il fieu era rut ora mesemna saira ils 16 da schaner enturn las 21 uras. Dapli che 100 pumpiers da Cuira e conturn eran en acziun. Suenter var duas uras era il fieu sut controlla. Var 50 persunas han stuì vegnir evacuadas per curt temp.

RR novitads 17:30