Siglir tar il cuntegn

Ulteriur Grischun Dumandà, embratschà, engulà

Il nov tric da cugliunaria ha era cuntanschì il Grischun. Sco quai che la polizia chantunala ha confermà ad RTR, han quests dis in um ed ina dunna er engulà a Cuira e Panaduz bischutaria a dunnas pli veglias.

2 giuvens ch'embratschan.
Legenda: Betg mintga embratschada ch'è manegiada cordial. Keystone

Il tric saja da dumandar suenter la via. Quai per exempel, nua che l’ospital saja, e lura d'embratschar la persuna ord spir engraziament ed uschia engular a questa la bischutaria, l’ura u la bursa.

Cas sumegliants haja quai gia dà avant en il chantun Son Gagl. La polizia cusseglia perquai da restar plitost sin distanza ubain da gnanc dar resposta a talas persunas. Tar ils delinquents supponids sa tracti d’in um ed ina dunna che discurran mo malamain tudestg e ch'èn en viadi cun in auto stgir-blau u nair.

RTR actualitad da mezdi 11:00