Siglir tar il cuntegn

Header

In policist al lieu d'accident, davosvart il vehichel agricul cupitgà.
Legenda: Las lavurs da salvament eran difficilas el lieu mal accessibel. pocha
cuntegn

Ulteriur Grischun Dunna da 20 onns mora tar accident a Tavau

Ier da mezdi è in bab charrà communabel cun sia figlia da 20 onns da Tavau Frauenkirch ensi en direcziun da la Chummeralp. Il vehichel agricul è glischnà malgrà las chadainas giud la via e cupitgà.

Suenter in tschancun saja il vehichel agricul sa glischnà giud la via da naiv e cupitgà quai malgrà las chadainas montadas, communitgescha la Polizia chantunala grischuna.

Il bab che manava il vehichel agricul è sa blessà levamain ed ha pudì dar alarm. La media d'urgenza ch’era sco emprima al lieu d’accident ha lura mo pudì constatar la mort da la dunna da 20 onns. Las lavurs da salvament en il territori mal accessibel èn stadas difficilas, scriva la polizia.

Per la tgira dal bab è il Care Team Grischun vegni clamà. Dasper il team d’ambulanza dal ospital a Tavau eran en acziun la Rega, ils pumpiers da Tavau e diversas persunas privatas.

RR novitads 09:00

Artitgels legids il pli savens

Scrollar a sanestra Scrollar a dretga