Siglir tar il cuntegn

Header

video
«Heidi» vegn pli attractiva
Or da Nouvo RTR dals 06.11.2017.
laschar ir. Durada: 1 minuta 21 Secundas.
cuntegn

Ulteriur Grischun Dus milliuns per vitg da Heidi

Il vitg da Heidi a Maiavilla duai vegnir pli attractiv. La regenza grischuna ha perquai approvà dus milliuns francs per engrondir el.

La regenza ha concedì a la Heididorf SA a Maiavilla ina contribuziun da dus milliuns francs per engrondir il vitg da Heidi. Quai cun resalva che la finanziaziun totala saja reglada e che tut las permissiuns da construcziun e da manaschi necessarias sajan avant maun.

Pli attractiv

Per augmentar l'attractivitad da la purschida turistica en il vitg da Heidi, duai quel vegnir engrondì en moda cumplessiva. En quest connex metta la Heididorf SA gronda paisa sin il mantegniment da l'autenticitad dal vitg.

Custs da passa 10 milliuns francs

En tut custa il project radund 10,1 milliuns francs.Tenor il chantun e las regiuns Landquart, Plessur e Plaun è il vitg da Heidi a Maiavilla d'impurtanza speziala. Els classifitgeschan quest vitg sco infrastructura che saja relevanta per il sistem.

RR novitads 10:00

Artitgels legids il pli savens