Il project «Haus der Chöre» veglia posiziunar la citad da Cuira sco citad dal chant. Il nov dachasa duaja vegnir in lieu da scuntrada per indigens e per giasts. Era il project «Zapperlot», il teater da giuvenils ed uffants veglia stgaffir in spazi cultural per giuven e vegl.
Suenter che la biblioteca da la citad ha midà la localitad la stad passada, ha la regenza da Cuira lantschà ina concurrenza d’ideas. Ils dus projects èn vegnids elegids tranter passa 50 projects.
L'emprim èsi da renovar
Per duvrar il bajetg per il public sto el uss vegnir renovà cumplettamain. L’entschatta da mars discuta il parlament da la citad davart in credit da 2,5 milliuns francs.
RR novitads 17:00