Siglir tar il cuntegn

Header

cuntegn

Ulteriur Grischun Dus recurs cunter plan da collocaziun d'Allemann Zinsli SA

Duas persunas giuridicas han fatg recurs encunter il plan da collocaziun. Quai conferma Philipp Annen, il manader da l'Uffizi da scussiun e concurs da la regiun Plessur. Nums na possia el betg dir, perquai ch'i dettia anc contractivas las proximas emnas.

Il manader da l'Uffizi da scussiun e concurs regiun Plessur Philipp Annen conferma ils dus recurs senza tradir ils recurrents. Mo ch'i sa tractia da duas persunas giuridicas. Sche las tractativas da las proximas emnas na portian betg fritg, lura stoppian las dretgiras decider, di Annen.

Dal biro fiduziari cun reputaziun al concurs

Il concurs da l’interpresa da fiduziari Allemann, Zinsli & Partner SA il schaner 2015 ha procurà per ina carambolascha en massa: 83 crediturs pretendan total 16,5 milliuns francs svizzers envers l'interpresa da Cuira. Il concurs era vegnì inevitabel, suenter che malregularitads eran vegnidas a la glisch il schaner 2015. Da lezzas uras aveva la firma Allemann Zinsli era purtà plant cunter in anteriur partenari.

audio
Bunura: 2 recurs cunter plan da collocaziun Allemann Zinsli SA
ord Actualitad dals 16.10.2016.
laschar ir. Durada: 2 minutas 36 Secundas.

Uffizi renconuscha 8 dals 16,5 milliuns

L’Uffizi da scussiun e concurs da la regiun Plessur ha la finala renconuschì 8 milliuns CHF da questas pretensiuns. Sinaquai ha el preschentà avant bunamain in mais il plan da collocaziun che regla, tgi che survegn quants daners ord la massa da concurs.

A disposiziun 0,9 dals 8 milliuns

Liquid sajan dentant mo radund CHF 900'000 che vegnan repartids sin ils crediturs. Las pretensiuns restantas da circa 7 milliuns francs tenor plant da collocaziun na pon pia betg vegnir pajadas.

RR actualitad 12:00

Artitgels legids il pli savens