L'antica staziun d'aura è enavos en la citad da Cuira. Suenter passa 1onn da renovaziun è la staziun da 104 onns puspè enavos – gist in pèr meters pli manaivel a la via da la staziun ch'avant.
La renovaziun da la staziun d'aura da la firma Lambrecht ha custà 30'000 francs, sco Roland Arpagaus da la citad da Cuira ha confermà.
In pèr meters dasperas è la statua dal grond bigl sin la plazza da la posta turnada gist il medem di. Questa è stada davent passa in mez onn ed è medemamain vegnida sanada cumplettamain per 50'000 francs.
Davent da la staziun fin la via da la posta: Tut nov
La via da la staziun è vegnida sanada ils davos 6 mais. Il plaz public sin quest areal è vegnì engrondids per 800 m2. Venderdis, ils 27 da matg ha lieu l'inauguraziun. .
Ma betg anc finì
Era la via da la posta èn ins al mument vid sanar. Quella vegn dentant per finida la fin da fanadur. Insumma senza plazzals da construcziun vegn il coc da Cuira dentant pir ad esser la fin da november da quest onn. Damai ch'il curtin da la ustaria Calanda survegn novas plattas suenter la stagiun da stad 2016.