I giaja plaun, ma tuttina fetschia ella quint che l'economia mundiala sa stabiliseschia in zic ils proxims dus onns – quai ha fatg a savair la directura dal Fond monetar internaziunal IWF, Kristalina Georgieva, al WEF. Questas valitaziuns resultian dad in studi davart la perspectiva conjuncturala da l'IWF, ch'è vegnì publitgà il glindesdi a Tavau, scriva l'agentura da novitads SDA.
Tranter auter hajan la politica monetara lucca, la cunvegna parziala en la dispita da commerzi tranter ils Stadis Unids e la China, sco er la speranza sin in Brexit reglà contribuì a questa prognosa.
Concret quintan ils experts dal Fond monetar internaziunal che l’economia mundiala creschia per 3,3% l’onn current.
RTR novitads 17:00
