Quai na para dentant betg da disturbar tant a a l'architect Thomas Domenig senior. Tant l'iniziativa sco er ils recurs pendents na fan betg quitads ad el.
La resposta dal Tribunal federal sco indizi
Ils recurs pendents avant il Tribunal federal pretendian tenor l'architect Thomas Domenig senior tranter auter che l'access na saja betg optimal u che tscherts vischins perdessan la vista pervi dal bajetg.
Cunquai ch'els hajan però survegnì fitg svelt resposta dal Tribunal federal ch'els possian cumenzar a bajegiar sin agen ristg, na vesa Thomas Domenig senior nagin privel per ses project. Ils derschaders hajan guardà sin ils recurs e constatà che quels na valian betg bler, uschia sia interpretaziun da la resposta.
L'iniziativa na fetschia er betg quitads
L'iniziativa per mantegnair ils kinos vegls da la citad vul scumandar da bajegiar kinos en la zona da commerzi a Cuira vest. A votar davart quella vegnan ils da Cuira il pli baud l'onn 2019. Ma er pervi dal verdict tras l'iniziativa che pudess anc vegnir sa fa Thomas Domenig senior nagins quitads.
Il plan da l'architect è da prender davent il humus e chavar il foss fin l'enviern. E lura sin il mars 2019 cumenzar cun la construcziun dal bajetg sco tal.
RR novitads 06:00
