Siglir tar il cuntegn

Header

video
Sandra Maissen ed Anita Mazzetta davart lur resultats
Or da Telesguard dals 27.09.2020.
laschar ir
cuntegn

Elecziuns Cuira Nova suprastanta è Sandra Maissen

Sandra Maissen (PCD) è elegida en la suprastanza da Cuira cun 4'801 vuschs. Ella succeda cunquai a Tom Leibundgut. Vegnids confermads en suprastanza èn plinavant Urs Marti (PLD) cun 7'372 vuschs e Patrik Degiacomi (PS) cun 6'045 vuschs.

La suprastanza da Cuira sa cumpona pia uschia:

  • Urs Marti, PLD
  • Patrik Degiacomi, PS
  • Sandra Maissen, PCD

Anita Mazzetta (Verda) avess er cuntanschì il pli absolut cun 4'571 vuschs, n'è dentant betg elegida. Er betg dumagnà en suprastanza cun 2'419 vuschs ha Mario Cortesi (PPS). El n'ha betg cuntanschì il pli absolut.

Sco president è Urs Marti vegnì confermà cun 6'445 vuschs tar in pli absolut da 4'826 vuschs.

Betg pensà ch'i tanscha en l'emprim scrutini

Sandra Maissen è stada fitg surpraisa ch'ella ha dumagnà gia en l'emprim scrutini il pass en suprastanza. Ella haja empruvà fitg bler per sa preschentar a la populaziun e per vegnir en contact cun la glieud, ha ella declerà envers RTR.

A Sandra Maissen giaschia sur tut il futur da Cuira per cor. Ella è persvasa ch'igl è per ella in avantatg ch'ella è stada davent per in temp e possia uss esser relativamain imparziala en ses uffizi.

Digren da PBD era a Cuira

La digren da la PBD sa mussa – sco gia sin champ naziunal - era en las elecziuns dal parlament da la citad.

La Partida burgaisdemocratica perda 2 sezs da ses 3 sezs. L’ala cotschen-verda na profitescha dentant betg da questa perdita. Ella resta cun ils 6 sezs da la Partida socialdemocratica ed ils 2 sezs da la Libra glista verda tuttina ferma sco ils ultims quatter onns.

La Partida cristiandemocratica gudogna vitiers in sez ed ha nov 3 sezs. La Partida verd-liberala recaltga era in sez dapli e vegn sin 2 sezs. La Partida populara resta cun 4 sezs la ferma partida burgaisa.

Parlament da Cuira 2021 fin 2024

Textbox aufklappenTextbox zuklappen

Glista 01 – Partida liberaldemocratica svizra (PLD)

  • Hans Martin Meuli – 3'586 vuschs
  • Michel Peder – 3'392 vuschs
  • Rainer Good – 2'833 vusch

Glista 02 – Partida verd-liberala (PVL)

  • Jürg Kappeler – 3'290 vuschs
  • Géraldine Danuser – 2'556 vuschs

Glista 03 – Glista libra verda

  • Andi Schnoz – 2'299 vuschs
  • Adrian Jürg Meier – 2'034 vuschs

Glista 04 – Partida socialdemocratica PSS

  • Xenia Bischof – 4'299 vuschs
  • Corina Cabalzar – 3'418 vuschs
  • Guido Decurtins – 3'208 vuschs
  • Claudio Senn Meili – 2'927 vuschs
  • Angela Carigiet Fitzgerald – 2'724 vuschs
  • Jean-Pierre Menge – 2'665 vuschs

Glista 05 – Partida burgais-democratica PBD

  • Marco Tscholl Marco – 3'174 vuschs

Glista 06 – Partida populara PPS

  • Mario Cortesi – 4'307 vuschs
  • Hanspeter Hunger – 4'030 vuschs
  • Urs Rettich – 3'863 vuschs
  • Walter Hegner – 3'519 vuschs

Glista 07 – Partida cristiandemocratica PCD

  • Sandra Maissen – 3'738 vuschs
  • Peter Portmann – 3'232 vuschs
  • Tino Schneider – 2'718 vuschs

RTR actualitad 15:15

Artitgels legids il pli savens

Scrollar a sanestra Scrollar a dretga