Els na curran betg – dumengia da cursas a Maiavilla annullada

Las cursas da chavals previsas per questa dumengia a Maiavilla han stuì vegnir annulladas a curta vista. Quai ha fatg a savair ina pledadra a las medias.

Jockey cun chavagl. Bild in Lightbox öffnen.

Legenda da maletgs: Jockey Dirk Fuhrmann cun Bebel – ils victurs dal grond premi dal Grischun ils 9 d’october 2016 a Maiavilla. Keystone

L'emprima da duas dumengias da cursas è veramain crudada en l'aua: Las plievgias intensivas da la notg passada e la damaun da la dumengia han lomià il terrain talmain, che las cursas na sajan betg pussaivlas. La segirezza per ils chavals ed il chavaltgaders na possia vegnir garantida, fan a savair ils organisaturs.

Ils organisaturs scrivan en lur communicaziun a las medias, ch'els veglian uss dar tut per pudair realisar il segund di da cursa planisà per ils 8 d'october.

RR novitads 09:00