Siglir tar il cuntegn
Inhalt

Ulteriur Grischun Emprim Forum digital a Tavau

Ils 27 e 28 da settember ha gì lieu a Tavau l'emprim forum digital. 25 referents han explitgà a 300 participants differents aspects da la digitalisaziun. Il Telesguard ha accumpagnà in mastergnant che vul optimar l'effizienza en sia interpresa.

Legende: Video In mastergnant tschertga d'optimar l'effizienza cun la digitalisaziun abspielen. Laufzeit 03:15 Minuten.
Or da Telesguard dals 28.09.2018.

La digitalisaziun è in grond tema cun anc bleras dumondas avertas sco per exempel: Tge è digitalisaziun precis? Co far endretg reclama per l'atgna interpresa sin social media? U tge programs digitals gidan il pli bain tar ina lavur specifica? Davart quests temas èsi vegnì discutà ils ultims dis a Tavau en il center da congress.

Referats e workshops

25 persunas han referì davart differents aspects da la digitalisaziun. Referents che lavuran en in'interpresa ed han gronda experientscha davart la digitalisaziun. Ed er en ils workshops èn ils temas enturn la digitalisaziun stads tema.

Radund 300 participants

Radund 300 persunas da l'entira Svizra, la Germania, Austria e dal Principadi da Liechtenstein han mussà grond interess per il forum. Il Telesguard ha accumpagnà in da quels participants, numnadamain l'indigen Thomas Walliser. El è manader d'ina fatschenta d'installaziuns sanitaras.

Telesguard 17:40