Per l'entir onn 2021 spetga la Ems-Chemie che la conjunctura mundiala sa revegnia. Las restricziuns pervi da Covid-19 vegnian a sa reducir ed adina dapli persunas vegnian vaccinadas. Temporarmain saja dentant tuttina anc da quintar cun instabilitads, stretgas ed augments da pretschs en las chadainas da furniziun.
La Ems-Chemie haja dentant, sco ella scriva en il rapport dal quartal, investì vinavant en projects e novas fatschentas. Durant ils emprims trais mais hajan ins pudì far bunas fatschentas ed haja er ina buna situaziun d'empustaziuns. La svieuta netta ha uschia gia pudì sa revegnir sin il livel d'avant la pandemia. Per la fin da l'onn 2021 quinta la Ems-Chemie dentant tuttina cun in meglier gudogn che l'onn passà.