Siglir tar il cuntegn

Header

Magdalena Martullo-Blocher e quatter autras persunas tar la badegliada avant l'Ems-Chemie.
Legenda: Il nov magazin duai vegnir uschè gronds sco il pli grond magazin che l'Ems Chemie ha schon. (il bajetg mellen-verd davostiers) RTR
cuntegn

Emprima badigliada L'Ems-Chemie investescha 300 milliuns francs

Ils proxims tschintg onns investescha l'Ems-Chemie passa 300 milliuns francs, tranter auter en in nov magazin ed installaziuns da producziun.

Oz è vegnida fatga la badigliada per in nov magazin da la Ems-Chemie a Domat. I sa tracta da l'emprim project per augmentar la capacitad da l'interpresa. Il magazin nov custa 17 milliuns francs. Da quella summa duain lavurs per 11 milliuns francs vegnir surdadas a firmas indigenas. Il magazin duai vegnir ensemen cun in auter magazin da l'Ems-Chemie il pli aut da la Svizra e quai cun ina autezza da 44 meters. Il november duai il magazin lura vegnir mess en funcziun.

audio
Emprima badigliada: Ems-Chemie investescha 300 milliuns francs
02:56 min, Actualitad dals 31.03.2021.
laschar ir. Durada: 02:56 minutas.

Differentas investiziuns

Sper il magazin investescha la firma grischuna tranter auter era en sias installaziuns da producziun per engrondir la capacitad da producziun. Ensemen cun il nov magazin vuless l'Ems-Chemie uschia adina esser capabla da furnir ses products, uschia che la clientella na stoppia betg spetgar, perquai ch'ils products ston anc vegnir producids.

Grazia a questas investiziuns da 300 milliuns francs duai quai en futur dar enturn 50 novas plazzas da lavur.

Ina construcziun

Bajegiar in magazin è pli simpel ditg che fatg. Tranter auter è il stgavament da trais meters ina sfida, perquai ch’i savess esser ch’il terratsch è anc schelà il mars. Per cletg na saja quai uss betg il cas, ha ditg la CEO da l'interpresa, Magdalena Martullo-Blocher.

In’autra sfida saja l’autezza e la segirtad da las lavureras ed dals lavurers. Perquai ch’i suflia savens fitg il suentermezdi a Domat, na possian betg tut las lavurs vegnir fatgas sin passa 40 meters suenter las 14:00, ha declerà Magdalena Martullo-Blocher.

RTR novitads 12:00

Artitgels legids il pli savens

Scrollar a sanestra Scrollar a dretga